伍濤月訊 - 2021年6月

我相信，世上係無人唔鍾意收禮物嘅～🎁禮物喎，無論係一隻鑽石戒指💍，一架跑車🚘，甚至係一個水果🍎，一份絕版刊物📰，梗係想收啦！但每次要諗送乜嘢畀人嘅時侯，就真係可以「𢲷」爆頭，又要對方啱用，又想對方開心，又想實際，又想要靚靚嘅⋯⋯

6月伍濤嚴選繪本《沒有東西送給你》同各位分享，🐱小貓奇奇最後搵咗一大輪，聽咗好多人嘅意見，終於搵到一份最好嘅禮物畀佢最愛嘅朋友小歐🐶！本月故事搵到伍濤核心義工梁氐一家(Roy、Peggy、梁寶)、Phoebe姨姨、同埋實習生一心成為說書人，為我哋聲演故事。

【兩位社區青年大使到任】登登登櫈！💡💡💡🪑！請各位鼓掌歡迎兩位青年實習生，天天和一心！同工們都好感恩有兩位活力同創意爆棚嘅青年人，呢三個月來伍濤實習，一齊共享、共學、共創！承蒙核心義工同埋董事會嘅網絡，呢三個月安排咗實習生在兩個職場實習，在此我哋再次感謝Wavenex及香柏樹工作室，無私地接待兩位實習生，感謝感謝！我們仍為今次實習項目籌款中，若你都想支持，歡迎與我聯絡（伍濤WhatsApp：93275244 - 彪）

【找數 – 有你的地方就是家】6月初答應大家送上的社區歌，剪接終於大功告成喇！美美der～開心SHARE！感謝美聲小倩為我哋演繹！YO～！首歌其實好適唱畀屋企人聽，當係一份禮物送畀佢地。畢竟在黑暗的時代，我們更需要彼此的愛。若你喜歡首歌，記得COMMENT，LIKE，SUBSCIBE我地YouTube Channel 呀，你嘅愛同支持都係我地持續出力剪片嘅動力！同時送上一張手機WALLPAPAER，歡迎下載。

【屯門百力支家長小組】6月初，係家長小組嘅最後一次，雖然大家都十分不捨，但天下無不散之筵席。感謝義工JUDY為大家佈置，又有其他義工買咗零食包，一齊分享一份甜！最後，梗係要多謝伙伴YWCA團隊，喺最艱難嘅呢兩年，一齊合作，堅持祝福社區家庭！最後仲一齊做「星空球」，喻意家長們可以成為家中嘅光，繼續為未來發下夢。

【深水埗宏恩幼稚園】超新鮮！剛過嘅一個月每周五，華老師都帶領一班義工走入宏恩服務，今日已經係最後一日喇！孩子們都十分投入，義工們合作無間，將音樂、故事、手工，一次過3個願望送晒畀佢地！「開心、學習、行動」繼續在校園內火熱散播！

【田景堂繪本和諧粉彩兒童工作坊】5課兒童班及最後一課親子班，都已經完滿結束了！孩子每次都好享受畫畫過程，有啲仲拎咗顏色返屋企繼續畫！親子課上，所有孩子搖身一變成為小老師，1對1咁教授所有新朋友（即係佢地嘅家長），超有成就感！其實畫畫沒有對錯，只要用心，繪畫的確可以將我哋心入面好難表達嘅情感表現出嚟！

【小預告】喺未來數周，伍濤團隊會馬不停蹄地，走訪各地，繼續用繪本同埋藝術來填滿服務對象嘅心！「讓人空空地來、滿滿地離開」～新鮮滾熱辣，將有四次流體畫工作坊，（626@伍冕端小學；710@星匠；717@仁立小學；722@Wavenex）；一次和諧粉彩畫展（702@田景堂）；一次和粉體驗工作坊（8月@聖文德天主教小學）。

仲有三班導師班，歡迎各方好友報名：1）和粉準指導師班；2）和粉正指導師班；3）流體畫導師班。有興趣報讀嘅，歡迎搵我報名（伍濤WhatsApp：93275244 - 彪）

期待同你一齊，用藝術同故事，讓世界變得更美麗。

祝福大家： 有力量，建造有愛的家
伍濤基金會 / 彪老師 / 志願者工程核心團隊  敬上

Bank Name: The Hongkong and Shanghai Banking Corporation Limited
Address of HSBC Office: 1 Queen's Road Central, Hong Kong. 
SWIFT code: HSBCHKHHHKH
Account Name: Wave5 Foundation Ltd.
Account Number: 015-662513-838