伍濤月訊 / 2022年11月 / 家俊老師

「我唔識畫畫㗎！」，「我畫畫唔靚㗎！」⋯⋯ 呢啲說話，唔知你有無講過或聽過其他人講呢？同大家分享個小秘密，呢兩句話我都講過無數次，覺得自己係被藝術拒絕，可能正確啲講，係自己抗拒緊藝術呢！

伍濤嘅藝術活動唔單止祝福困境兒童家庭，同樣都祝福同工嘅生命。感恩我喺上年結婚週年同太太體驗完流體畫活動，今年暑假就完成咗流體畫導師課程，仲喺啱啱嘅11月初，成功取得證書，正式成為伍濤認證嘅流體畫導師添。👏🏻👏🏻

【祝福醫護群體】
華老師帶領同工同義工為HA東九龍區嘅醫護義工進行咗兩次團隊建立及退修活動，共接觸約50人，各位醫護人員在過程中都好感覺到被加油加力！呢幾年疫情期間，真係辛苦你哋了！在此，衷心向各位醫護人員講聲：有你哋真好！

【祝福牧者同工】
阿彪同彩紅受邀，為香港浸信會聯會青年同工舉辦藝術工作坊。透過和粉及油粉藝術體驗，牧者們都從百忙中體驗了休息，其中有一兩位都欣賞自己突破框框，大家都好滿意當日嘅作品。佢哋親身嚐到透過藝術打開話題，第一次認識就可以好快做到自然嘅人際互動，仲能夠以藝術表達難以言喻嘅情感！藝術真係可以好簡單，又令人開心愉悅，佢哋仲相約12月初自組流體畫班呢！

【祝福老師學生】
四位同工出隊，到核心義工麗筠老師任教嘅迦密中學為中五學生舉辦兩天【情緒教育-藝術的力量】體驗活動。開始前，同學們都表達自己情緒及壓力指數偏高。所以同工們運用流體畫同和諧粉彩，去引導佢哋表達情緒同心中想望。經過體驗後，大部分同學都可以放鬆心情，亦對自己嘅作品滿意，充滿驚喜。🥰

【台灣藝術獎項】
🎉🎉恭喜淑娟老師入圍台灣典美插畫大賞《轉動希望的曙光》，並勇奪「典美銅獎」🎊。未來，伍濤將會定期舉辦唔同類型嘅網上小畫展，第一炮梗係一齊嚟欣賞淑娟老師嘅得獎作品啦！

除此之外，社區歌【活出愛/傾出愛】亦已經在各大網上音樂平台上架喇！請各位多多支持！最近天氣轉涼，除咗聽好歌之餘，都唔好忘記關心身邊嘅弱勢社群，一齊活出愛！ 

Bank Name: The Hongkong and Shanghai Banking Corporation Limited
Address of HSBC Office: 1 Queen's Road Central, Hong Kong. 
SWIFT code: HSBCHKHHHKH
Account Name: Wave5 Foundation Ltd.
Account Number: 015-662513-838