伍濤月訊 - 2022年3月

喺呢個疫情仍然嚴峻嘅時刻，成日講「愛人如己」，我哋就更應該先好好愛錫自己，照顧好自己；有健康、有精神先可以去愛更多嘅人。最近，幾位伍濤同工都陸續確診新冠肺炎，因此呢段時間我哋都Work From Home。但同工們都不忘支援在家隔離嘅同事：買藥、補給物資、甚至送上愛心靚湯⋯⋯一齊實踐「家，是你我在一起」。

【故事分享】
你每日都會「愛」自己嗎？我哋舉辦義工培訓時，經常都會鼓勵學員，每朝起身都記得同鏡裡面嘅自己加油打氣，夜晚臨訓之前又同鏡裡面嘅自己講聲：「今日辛苦啦！欣賞你啊！祝福你今晚瞓得好！聽日再一齊努力！」我哋相信每個人都係獨特嘅；雖然長相、個性、興趣都唔一樣，而且因著突出嘅地方，有時未必得到其他人嘅接納或認同，但我哋每一個都係可愛㗎！我哋一齊睇下繪本故事《如果没有人喜歡我，我也要喜歡自己》中嘅主角，佢又係點樣「愛自己」呢？（特別感謝David & Mani及兩位可愛小公主，聲演今次嘅故事。）

【服事分享】
疫情嚴重，唔知你嘅心情點呢？「愛自己」另一種表達係讓自己內心嘅感受得以抒發。彩紅老師同彪老師最近邀請咗核心義工Ronie同親子謙謙Fion家庭，聯手舉辦咗一次「《心の盼望》親子和粉體驗YouTube直播」。當晚網上收睇嘅反應相當熱烈，無論大人定小朋友，都跟住一齊輕鬆畫，舒心畫！最後我哋仲收到大家所畫嘅作品，當中有啲親子家庭作品更加遠在國外，讓我哋相當鼓舞！若果你想重溫，歡迎登入伍濤YouTube頻道睇下。另外，彩紅老師開辦嘅「🎨伍濤兒童繪本創作坊📚」現已接受報名 ，歡迎組隊參加！

Bank Name: The Hongkong and Shanghai Banking Corporation Limited
Address of HSBC Office: 1 Queen's Road Central, Hong Kong. 
SWIFT code: HSBCHKHHHKH
Account Name: Wave5 Foundation Ltd.
Account Number: 015-662513-838