Copy
Þriðjudagspósturinn er upplýsingapóstur Skátamiðstöðvarinnar, sendur út alla þriðjudaga á skáta 18 ára og eldri skv. félagatali BÍS.
Ef þið viljið koma einhverju á framfæri í þessum pósti þá endilega sendið okkur línu á skatar@skatar.is
Friend of Facebook

14. janúar 2014

Innleiðingarnámskeið að fara á fullt – taktu frá tíma!
 
Við minnum félögin á stuðningsnámskeiðin skemmtilegu við innleiðingu endurbættu skátadagskrárinnar. Nú er frábær tími til að hita upp fyrir vorannarstarfið með skemmtilegu námskeið fyrir foringja og aðra sem koma að skátastarfi félaganna.
Ertu að nota flokkakerfið og dagskrárhringinn? Vantar þitt félag aðstoð við að koma þessum mikilvægu þáttum í gang og skemmtilega samverustund fyrir sveitarforingjana? Við heimsækjum félagið þitt með námskeið í því sem nýtist því best til að gera gott starf enn betra. Nú eru félög farin að taka frá dagsetningar fyrir námskeiðin svo um að gera að hafa samband strax til að fá dagsetningu sem hentar þínu fólki. Hafðu samband sem allra fyrst í síma 550-9803/698-1998 eða á ingibjorg@skatar.is
 
Kveðja, Ingibjörg


Ertu nokkuð að gleyma að skrá þig á frábært fræðslukvöld á fimmtudaginn um kvöldvökustjórnun?

Björn Hilmarsson, Gunnar Þór Atlason og Guðmundur Pálsson kenna gamlar og nýjar aðferðir við að ná uppi alvöru skátastemningu á kvöldvökum/varðeldi á næsta fræðslukvöldi sem verður haldið í Skátamiðstöðinni fimmtudaginn 16. janúar kl. 19.30 . Sérlega skemmtilegt fræðslukvöld sem gagnast beint inn í starfið! Ekki missa af þessu einstaka tækifæri að læra af meisturunum! Skátafélög eru sérstaklega hvött til að láta foreldra og aðra úr stuðningsneti sínu vita af Fræðslukvöldinu og hvetja þá til að koma með.
Frekari upplýsingar má finna hér og skráning fer fram hér

Kveðja, Ingibjörg

Gilwell-leiðtogaþjálfun (1. skref af 5)

Nýr hópur heldur af stað í Gilwell-leiðtogaþjálfun laugardaginn 18. janúar 2014 í Skátamiðstöðinni frá Kl: 09:00 - 17:00. Villt þú vera með?

Hvað er það sem gerir skátastarf að skemmtilegu ævintýri með skýr uppeldismarkmið? Hvernig fer það starf fram? Starfsgrunnur skáta er fyrsta skrefið í Gilwell-leiðtogaþjálfun.
Fullorðnir sjálfboðaliðar með góða leiðtogahæfni eru kjölfestan í skátastarfi. Gilwell-leiðtogaþjálfun eykur færni fyrirþetta mikilvæga hlutverk. Þar öðlastu þekkingu og færni til að leiða starfið á þeim fjölbreytta vettvangi sem skátastarf er. Gilwell-leiðtogaþjálfun eykur sjálfstraust og nýtist vel í atvinnulífinu.
 
Skráning fer fram hér; www.skatar.is/vidburdaskraning

Upplýsingar veitir Dagga í Skátamiðstöðinni í síma 550-9800
 
Kveðja, Gilwellteymið
Mannauðsstjórnun og fullorðnir í skátastarfi (framhald)
 
Fyrri hluti námskeiðsins fór fram laugardaginn 16. nóvember í Skátamiðstöðinni Hraunbæ, síðari hluti námskeiðsins verður 1. febrúar 2014
Með því að ljúka á fullnægjandi hátt tveimur framhaldsnámskeiðum samkvæmt persónulegri áætlun og námssamningi fær viðkomandi Gilwell-skáti þriðju „skógarperluna“ og þar með aðild að Gilwell-teyminu sem vinnur að uppbyggingu Gilwell-leiðtogaþjálfunar á Íslandi.
Námskeiðið nýtist öllum þeim sem vilja auka leiðtogafærni sína, jafnt í skátastarfi og á vinnumarkaði eða í öðrum daglegum störfum.
Skráning er hafin: www.skatar.is/vidburdaskraning
 
Kveðja, Dagga
Fyrsta hjálp unglinga - dróttskátar
 
Boðið er uppá námskeið í fyrstu hjálp unglinga nk laugardag. Námskeiðið er hugsað fyrir dróttskáta og veitir þeim grunn undurstöðu atriði í fyrstu hjálp. Skráning er í fullum gangi á www.skatar.is/vidburdarskraning
 
Kveðja, Jón Ingvar
 
The „Final countdown“ – rekka og róverskátar
 
Landsmótsstjórn býður uppá skemmtilega dag fyrir rekka og róverskáta á laugardaginn. Settur hefur verið upp flottur póstaleikur sem haldin verður í Reykjavík. Viðburðurinn er þátttakendum að kostnaðarlausu þannig að enginn ætti að láta hann fram hjá sér fara.
 
Kveðja, Landsmótsstjórn

Opinn Vinnufundur Landsmótsstjórnar og nefnda
 
Sunnudaginn 19. janúar verður opin vinnufundur mótsstjórnar Landsmóts skáta og nefnda. Öllum er velkomið að kíkja við og leggja hönd á plóg. Dagskrá hefst klukkan 14 og stendur til kl. 18.
 
Kveðja, Landsmótsstjórn
Upplýsingasíða fyrir Japan 2015
 
Opnaður hefur verið upplýsingavefur um ferð íslenskra skáta á heimsmót skáta í Japan 2015. Endilega kíkið á vefinn og meiri upplýsingar munu koma þar inn á næstu vikum. www.jamboree2015.skatar.is
 
Kveðja, Fararstjórn World Scout Jamboree 2015
Vantar ykkur góða fjáröflun fyrir Landsmót skáta 2014?
 
Grænir skátar bjóða skátafélögunum að nýta sér aðstöðuna í Skátamiðstöðinni til að telja dósir og fá ágóðann greiddan beint inn á greiðslukort. Skátafélögin Hafernir og Segull hafa nýtt sér þetta góða boð og borið vel úr býtum. Félögin söfnuðu dósum á starfssvæði sínu sem voru svo sóttar af Grænum skátum og taldar í talningavélinni.
Ef þið hafið áhuga á að nýta ykkur þetta kostaboð þurfið þið að hafa samband við Græna skáta og finna tíma sem hentar ykkur að koma.
 
Kveðja, Stefán og Grænir skátar

Farinn heim, Eric Khoo, heimsstjórnarmaður WOSM.

Eric Khoo, heimsstjórnarmaður WOSM og fyrirliði alþjóðastarfs (IC) í Malasíu hafi lést af völdum hjartaáfalls um sl. Helgi.  Hann var einnig félagi nr. 1 og fyrrverandi formaður ATAS (Association of Top Achiever Scouts). BÍS hefur sent samúðarkveðjur vegna skyndilegs fráfalls Eric Khoo til heimsstjórnar WOSM og skátabandalag Malasíu.

Kveðja, Hulda Sólrún Guðmundsdóttir, formaður Alþjóðaráðs


Málþing drekaskátaforingja - 15. jan kl. 20

Á morgun miðvikudag kl. 20 verður haldið málþing drekaskátaforingja. Á málþinginu gefst drekaskátaforingjum tækifæri til að hittast og ræða þau mál sem efst eru á baugi í starfinu. Meðal umræðuefna eru sameiginlegir viðburðir eins og drekaskátadagurinn í mars og drekaskátamótið í júní.

 

 

Í þessari viku:

  • Snjallráð vikunnar
  • Innleiðingarnámskeið
  • Fræðslukvöld
  • Gilwell-leiðtogaþjálfun
  • Rekka og Róverskátadagur
  • Vinnudagur Landsmótsstjórnar og nefnda
  • Jamboree 2015
  • Fjáraflanir
  • WOSM
  • Málþing drekaskátaforingja

 

Á dagskránni:

15/1
Málþing Drekaskátaforingja

16/1
Fræðslukvöld: Kvöldvökustjórnun

18/1
Gilwell leiðtogaþjálfun skref 1

18/1
Fyrsta hjálp fyrir unglinga

 

18/1
Final Countdown

Skoða fleiri viðburði:
www.skatamal.is/vidburdir

Snjallráð vikunnar

Prufaðu að fara út með skátana þína í frosti og blása sápukúlur. Það þarf að hafa þolinmæði, en því er vel launað með ótrúlega fallegu, en brothættu, litlu listaverki.

 
Bandalag íslenskra skáta,