Copy
Þriðjudagspósturinn er upplýsingapóstur Skátamiðstöðvarinnar, sendur alla þriðjudaga til skáta 16 ára og eldri skv. félagatali BÍS.
Ef þið viljið koma einhverju á framfæri í Þriðjudagspóstinum þá endilega sendið okkur línu á skatar@skatar.is
Friend of Facebook

18. október 2016

Rödd ungra skáta
Nú fer hver að verða síðastur að skrá sig á RUS. RUS er frábært tækifæri fyrir alla rekka- og róverskáta til að ræða málin og hafa gaman. Er eitthvað sem brennur þér á hjarta? Hefur þú skoðun á hvenær næsta Landsmót verður haldið? Langar þig að hafa áhrif á störf ungmennaráðs í vetur? Ef svo er þá er RUS viðburður fyrir þig! Nánari upplýsingar hér.


Fræðslukvöld 20. okt
Örnámskeið í skátafræðunum er viðfangsefni október mánaðar. Fimmtudaginn 20. október frá 19:30-21:00 í skátaheimili Kópa. Stutt örnámskeið í allskonar skemmtilegu. Takið kvöldið frá og hafið gaman saman. Nánari upplýsingar og skráning hér.


Verndum þau námskeið
Þriðjudaginn 25. október verður Verndum þau námskeið Æskulýðsvettvangsins hér í Skátamiðstöðinni. Ætlast er til þess að allir sem starfa með börnum og ungmennum séu búnir að fara á þetta námskeið. Einnig er það skylda til útskriftar af Gilwell-leiðtogaþjálfun. Frekari upplýsingar og skráning hér.


Skátakórinn
Skátakórinn getur bætt við sig söngröddum. Tökum öllum fagnandi, sérstaklega þó karlaröddum. Spennandi starfsár framundan.. Æfingar í Hraunbyrgi kl.20:00 á þriðjudögum. Hlökkum til að sjá þig!


Rekka- og róverskátanetið 
Ert þú rekkaskáti í leit að skátastarfi? Ert þú í lítilli skátasveit og vilt tengjast öðrum skátasveitum á Íslandi? Þá ættir þú og þín sveit að vera partur af Rekkaskátanetinu! Nánari upplýsingar má finna hér. Ef þið hafið áhuga getið þið sent tölvupóst á salka@skatar.is fyrir 1. nóvember og skráð ykkur! 


Ef þið viljið vita meira þá verður svo haldið Rekka- og Róvernets kaffihúsakvöld 25. október klukkan 20:00 í Jötunheimum, skátaheimili Vífla. Þar munum við borða vöfflur og ræða málin.
Könnun hjá Sakaskrá
Mikilvægt er að allir 18 ára og eldri sem taka þátt í skátastarfi undirriti heimild til BÍS til þess að láta kanna sakaskrá þeirra. Heimildinni þarf síðan að skila til Skátamiðstöðvarinnar innan mánaðar frá undirritun.
Nánari upplýsingar og eyðublaðið má finna hér

Moot European Input
Von er á 50 manns til að taka þátt í European Input helgina 10.-14. nóvember. Þátttakendur fá einstakt tækifæri á að hafa áhrif á skipulag World Scout Moot. Nánari upplýsingar hér. 

Litli Kompás - námskeið
Litli kompás er handbók um mannréttindamenntun fyrir börn sem nýtist fagfólki í æskulýðsmálum og öllum þeim sem vinna með börnum. Nánari upplýsingar hér. 
Næsta námskeið verður 26. október í félagsheimili KFUM og KFUK, Sunnuhlíð 12 kl. 16.00 – 20.00. Skráning er hafin hér.

Endurfundir skáta - í fóstur?
Tilvalið fyrir skátahópa, gildi eða áhugasama skáta að taka þennan mánaðarlega viðburð að sér!
Endurfundir skáta eru haldnir annan mánudag í mánuði frá september og fram í maí. Fyrirkomulagið hefur verið þannig að boðið er upp á súpu og brauð og oft einhverja kynningu eða innlegg tengt skátastarfi. Áhugasamir eru beðnir að senda póst á skatar@skatar.is

Í þessari viku:

  • Rödd ungra skáta
  • Fræðslukvöld
  • Verndum þau námskeið
  • Skátakórinn
  • Rekka- og róverskátanetið
  • Könnun hjá sakaskrá
  • Moot European Input
  • Litli Kompás - námskeið
  • Endurfundir skáta - í fóstur?

Heyrst hefur að það verði pottapartý í Reykjadal á Rödd ungra skáta um helgina... Ætlar þú ekki örugglega að mæta?

Bandalag íslenskra skáta,