Copy
Þriðjudagspósturinn er upplýsingapóstur Skátamiðstöðvarinnar, sendur alla þriðjudaga til skáta 18 ára og eldri skv. félagatali BÍS.
Ef þið viljið koma einhverju á framfæri í Þriðjudagspóstinum þá endilega sendið okkur línu á skatar@skatar.is
Friend of Facebook

16. ágúst 2016

Ferskir haustvindar
Fyrstu haustvindarnir eru farnir að blása, það er farið að rökkva á kvöldin og væntanlega er mikill hugur í skátum fyrir komandi vetri. Þá er líka tími til að þriðjudagspósturinn komi úr sumarfríi. Við minnum á að félögum er velkomið að senda okkur tilkynningar sem þau vilja að fari í þriðjudagspóst Skátamiðstöðvarinnar. Efni þarf að berast í síðasta lagi á mánudagskvöld til að komast í póstinn á þriðjudegi. Tekið er á móti efni í tölvupósti á skatar@skatar.is


Nóri, félagatal
Örnámskeið í Nóra - nýja félagakerfið okkar - verður á fimmtudagskvöld í Skátamiðstöðinni. Frekari upplýsingar og skráning hér.


Þjónustufulltrúi
Skátamiðstöðin leitar að þjónustufulltrúa í fullt starf. Sjá nánar hér.


Starfmaður Landnema
Skátafélagið Landnemar leitar að jákvæðum og áhugasömum starfsmanni í 30% starf í vetur með fasta viðveru frá 17-20 nokkra virka daga í viku. Sjá nánar á heimasíðu Landnema.


Pottapartý rekkaskáta í Reykjadal
Hvað er meira hressandi en að rölta upp í Reykjadal og svamla í heita læknum með skátavinum? Rekkaskátar og eldri sameinast í útivist og notalegheitum. Nánari upplýsingar hér.


Löööng kynningarvika
Kynningarvikan lengist og verður 23. ágúst - 5. september. Plaköt og bæklingar verður tilbúið til dreifingar frá Skátamiðstöðinni í lok þessarar viku.
Frekari upplýsingar veitir Sigríður

Fullt á Sumar-gilwell 2016
Skráning á Sumar-Gilwell helgina 26.-28. september fór hressilega af stað og þegar skráningu var lokað voru 37 skátar skráðir. En þó er hægt að fara á biðlista ef einhver skyldi detta út. Skráning á biðlista er hjá Döggu. Einnig bendum við á að opið er fyrir skráningu á 1.skref sem fram fer 1. október. Nánari upplýsingar og skráningu á það má finna hér.

Útinámsráðstefna á Úlfljótsvatni.
Helgina 17.-18. september verður haldin útinámsráðstefna á Úlfljótsvatni. Þar koma saman fjölmargir fyrirlesarar frá Íslandi og 5 Evrópuþjóðum til að deila þekkingu sinni og reynslu af útinámi á öllum skólastigum. Frekari upplýsingar má finna hér.

VISTA helgi á Úlfljótsvatni
Helgina 27.-28. ágúst verður Vista helgi. Vista stendur fyrir Viðhald og Standsetning. Tvær slíkar helgar eru haldnar á Úlfljótsvatni ár hvert. Allir eru velkomnir. Unnið verður að þörfum verkefnum á laugardeginum og svo blásið til grillveislu um kvöldið. Þeir sem vilja geta gist og notið morgunverðar saman á sunnudeginum. Það er tilvalið að hóa í góða skátavini og koma austur í Undralandið og hjálpa til enda er Úlfljótsvatn sameign okkar allra. Frekari upplýsingar á heimasíðu Úlfljótsvatns.




 

Í þessari viku:

  • Ferskir haustvindar
  • Nóri, félagatal
  • Þjónustufulltrúi
  • Pottapartý í Reykjadal
  • Löööng kynningarvika
  • Fullt á Sumar-Gilwell
  • Útinámsráðstefna á Úlfljótsvatni
  • VIsta helgi á Úlfljótsvatni

Pssst....

Frést hefur að pepphópurinn fer norður í land í haust með Artic-pepp á Akureyri helgina 9.-11 september.
Bandalag íslenskra skáta,