Kjære elevar og foreldre/føresette!
Vi er takksame for å kunne melde om ein svært god skulehaust! Det er fantastisk å sleppe fokus på smittevern og restriksjonar. No ser vi fram til Temadag/foreldredag/skuledag 13. november og håpar å sjå mange av dykk der. Sjå meir info under.
|
|
Miljøteam og fritid
Årets kreative miljøteam har i haust hatt mange kjekke tilbod både ute og inne. Ungdomsleiar Lars Rugland Aarseth og miljøarbeidarane Aslak Kjebekk, Marit Knutzen og Erlend Nordtun er supre leiarar av miljøarbeidet😊 Elles er russen positive miljøskaparar med liga, gute- og jentekveld, russemøte og no sist eplehausting for juiceproduksjon på Randaberg, Lyngnes Gård, - til inntekt for misjonsprosjektet!
|
|
OM-dag og langhelg
Det blir langhelg 3. – 7. november. Då håpar vi at mange nyttar høvet til å reise heim og få ein god miniferie med familie og venner mellom haustferie og juleferie. To av dagane er det planleggingsdagar. Personalet reiser då på friskulekonferanse saman med mange andre kristne friskular i Noreg. Den tredje dagen er ikkje fridag, men OM-dag. Det er onsdag 3. november. Då vil elevane arbeide eller selje støttebevis til inntekt for misjonsprosjektet. Elevrådet og Tryggheimrussen sitt misjonsprosjekt er dette skuleåret i Bolivia og Peru. Innsamlingsaksjonen skal støtte evangelisering og bistand i Sør-Amerika. Bolivia og Peru har store sosiale utfordringar. Arbeidsløysa er høg, og det er store skilnader mellom fattige og rike. Årets misjonsprosjekt på Tryggheim skal støtte både yrkesutdanning og kristen utdanning. Pengane skal også gå til søndagsskule-, leir- og ungdomsarbeid og kurs for å betre forhold i familiar. Vi er takksame for elevane sin store innsats denne OM-dagen!
|
|
|
|
